Казах түмний бүргэдээр ан хийлгэх өв уламжлал, зан заншлыг сурталчлан таниулах зорилготой “Бүргэдийн баяр-2026”арга хэмжээг энэ жил өргөжүүлж, “Дэлхийн аварга шалгаруулах тэмцээн” болгож ирэх гуравдугаар сарын 7, 8-ны өдрүүдэд зохион байгуулах гэж байна.
Зохион байгуулагчдын мэдээлснээр наадам өдөр бүр 11:00–18:00 цагийн хооронд "Чингис хааны хүрээ" аялал жуулчлалын цогцолборт болох юм. Мөн энэ жилийн онцлог нь олон орны бүргэдчид уригдан ирж оролцохоороо онцлогтой. Арга хэмжээг жил бүр уламжлал болгон зохион байгуулдаг бөгөөд казах түмний бүргэдээр ан хийх соёл, ахуй, зан заншлыг сэргээх, залуу үед өвлүүлэх, олон улсад сурталчлах зорилготой юм. Наадмын үеэр бүргэдчдийн ур чадварын тэмцээн, морин дээрээс бүргэд дуудуулах үзүүлбэр, үндэсний хувцас, гар урлалын танилцуулга, соёлын тоглолт зэрэг олон төрлийн арга хэмжээ болох аж. Мөн дотоод, гадаадын жуулчдад зориулсан соёлын танин мэдэхүйн үйл ажиллагаа ч багтжээ.
ВИДЕО:
