Сэлэнгэ аймгийн Иргэдийн төлөөлөгчдийн хурал /ИТХ/ өнгөрсөн сарын 30-ны өдөр /2026.01.30/ хуралдаж, Засаг дарга Н.Лхагвадоржид хариуцлага тооцох асуудлыг хэлэлцэж, 41 төлөөлөгчийн 40 нь буюу олонх нь дэмжсэнээр огцруулсан. Тодруулбал, санал хураалт явуулахад МАН-5, АН-18, Хүн намын 1 төлөөлөгч нийт 24 төлөөлөгч Н.Лхагвадоржийг огцруулах саналыг дэмжсэн байдаг.
2024 сонгуулийн дүнгээр МАН 21, АН 19, ХҮН намаас 1 суудал авсан авч, олонхийн бүлэг МАН-аас А.Дашбатын нэрийг Засаг даргад дэвшүүлсэн бол Н.Лхагвадорж заалнаас нэрээ дэвшүүлэн ялалт байгуулсан. Тухайн үед Ерөнхий сайд асан Л.Оюун-Эрдэнэ Н.Лхагвадоржийг батламжилснаар Засаг даргын албаа албан ёсоор эхлүүлсэн. Харин энэ удаа түүнийг сумдын Засаг дарга нарыг хууль зөрчиж огцруулсан зэрэг асуудлаас үүдэн огцруулсн юм. ИТХ-ын шийдвэрийг Ерөнхий сайд Г.Занданшатарт хүргүүлсэн ч хүлээн аваагүй байна.
