Монголын 25 настай иргэн Бүгд Найрамдах Буриад Улсын Хиагт хотоор дамжин хил нэвтрэхээр төлөвлөж байсан ч гурван сая рублиэ хураалгаж, улмаар хуулийн ноцтой асуудалд оржээ.
Буриадын гаалийн албан хаагчид Хиагт боомт дээр түүнийг шалгахад 2.98 сая рубль буюу ойролцоогоор 37.5 мянган ам.долларын бэлэн мөнгөтэй явж байгааг илрүүлсэн байна. Гэвч тэр уг мөнгийг гаалийн байгууллагад мэдүүлээгүй аж. Хууль сахиулах байгууллагууд уг үйлдлийг хилээр бэлэн мөнгийг хууль бусаар нэвтрүүлэх буюу контрабандын шинжтэй гэж үзэн хэргийг шүүхэд шилжүүлсэн байна. Шүүх мөрдөн шалгах байгууллагын дүгнэлтийг бүрэн зөвшөөрч, залууг хилээр бэлэн мөнгийг хууль бусаар нэвтрүүлсэн гэм буруутайд тооцжээ. Шүүхийн шийдвэрийн дагуу мэдүүлээгүй 2.98 сая рублийг улсын орлого болгон хураасан байна. Үүгээр зогсохгүй түүнд 241,700 рублийн торгууль ногдуулжээ. Энэхүү торгуулийг албадан гаргуулах ажлыг мөн эхлүүлсэн аж.
.jpg)
_1107.jpg)
