Цөлжилттэй тэмцэх тухай НҮБ-ын конвенцын Талуудын 17 дугаар бага хурал (UNCCD COP17)-ын бэлтгэл ажлын хүрээнд Гадаад харилцааны яам өнөөдөр /2026.08.06/ Улаанбаатар хотод байрлах хурлын үндсэн байгууламжтай танилцах арга хэмжээг зохион байгууллаа.
Арга хэмжээнд Улаанбаатар хотод суугаа дипломат төлөөлөгчийн газрууд, олон улсын байгууллагын төлөөлөгчид болон Гадаад харилцааны яамны албан хаагчид оролцож, хурлын танхим, байгууламж, аюулгүй байдал, тээвэр, ложистикийн зохион байгуулалтын талаар мэдээлэл авч, газар дээр нь танилцсан байна.
Арга хэмжээг нээж Гадаад харилцааны дэд сайд Г.Амартүвшин үг хэлэхдээ Монгол Улс UNCCD COP17 бага хурлыг нээлттэй, хүртээмжтэй, олон улсын жишигт нийцсэн өндөр түвшинд зохион байгуулахад онцгой анхаарч байгааг онцолжээ. Мөн дипломат төлөөлөгчийн газруудтай нягт хамтран ажиллаж, төлөөлөгчдийн оролцоог бүх талаар дэмжин ажиллахаа илэрхийлсэн байна.
Монгол Улс UNCCD COP17 бага хурлыг 2026 оны наймдугаар сарын 17-28-ны өдрүүдэд Улаанбаатар хотноо "Эх байгалиа сэргээж, итгэл найдвараа бадраая" уриан дор зохион байгуулах юм.
.jpg)
