Ардчилсан Намын ХVIII их хурал үргэлжилж байна. Энэ үеэр намын дарга О.Цогтгэрэл, УИХ-ын дэд дарга Б.Пүрэвдорж, Ерөнхий сайд асан Н.Алтанхуяг нары намын удирдлагууд АН-ын Төлөөллийн төв байгууллага Үндэсний бодлогын хороонд шинээр сонгогдсон гишүүддээ батламжийг нь гардуулжээ.
Сонгуулийн үр дүнд сонгогдсон 378 гишүүний 59 хувь нь 39 хүртэл насны залуучууд байна. Түүнчлэн намын дунд шатны байгууллага болох аймаг, дүүргүүдийн намын хорооны гишүүдийн 4250 суудлын төлөө 7000 гаруй гишүүд нэрээ дэвшүүлэн өрсөлдөж 70 шахам хувь нь анх удаа сонгогджээ.
