Төрийн өмчит стратегийн компаниудын удирдлагын тогтворгүй байдал дахин шүүмжлэлд өртөж эхэллээ. Тодруулбал, “Эрдэнэс Тавантолгой” ХК‑ийн ТУЗ‑ийн даргаар Ш.Мөнхцэрэн томилогдохоор болжээ. Энэ томилгоо нь "Эрдэнэс Тавантолгой" ХК-ийн ТУЗ‑ийн даргыг саяхан чөлөөлсөн учраас хийж байгаа томилгоо юм.
Тус компанийн ТУЗ‑ийн даргыг Засгийн газрын Хэрэг эрхлэх газар болон хувьцаа эзэмшигчдийн хурал баталгаажуулдаг эрхтэй. Улмаар Ш.Мөнхцэрэн анхны хурлаа 2026 оны дөрөвдүгээр сарын эхээр хийхээр төлөвлөжээ. Тус хурлаар иргэдийн өндөр хүлээлттэй байгаа ногдол ашгийн 60 мянган төгрөгийг хэзээ, ямар журмаар олгохыг шийдэх юм. Зарим эх сурвалжийн мэдээллээр, ногдол ашгийг ирэх сарын сүүлээр олгохоор ярилцаж байгаа талаар ярьж байна. Мөн хурлаар компаний удирдлагын бусад чухал асуудлыг хэлэлцэх аж.
Түүний удирдлагын карьерын түүхийг он цагийн дарааллаар авч үзвэл:
- 2022–2025 он: “Эрдэнэс Монгол” ХХК‑ийн ТУЗ‑ийн даргаар ажилласан.
- 2025 оны есдүгээр сар:"Эрчист Монгол" ХХК-ийн ТУЗ-ийн даргаар ажиллаж эхэлсэн. Тус компани нь эрчим хүчний салбарын төрийн өмчит хувьцаат компаниудын 34 хувийн төлөөллийг, мөн “МИАТ” ТӨХК, “Монголын төмөр зам” ТӨХК, “Авто замын засвар арчлалтын нэгтгэл” ТӨХК, “Автоимпекс” ХК, “Мэдээлэл холбооны сүлжээ” ХХК, “Төрийн орон сууцны корпораци” ХХК зэрэг зургаан компанийн төрийн эзэмшлийн хувьцаа эзэмшигчийн эрхийг хэрэгжүүлэхээр ажилласан юм. Гэвч үйл ажиллагааны урсгал зардлаа санхүүжүүлэхийн тулд зээл авсан, 3.5 тэрбум төгрөгийн өр төлбөртэй санхүүгийн хүндрэлд орсны улмаас, 2025 оны 3 сарын 18‑нд Засгийн газрын хуралдаанаар “Эрчист Монгол” ТӨХК‑ийг татан буулгахаар шийдвэрлэсэн.
- 2026 оны дөрөвдүгээр сар: “Эрдэнэс Тавантолгой” ХК‑ийн ТУЗ‑ийн дарга
Хувь хүний хувьд Ш.Мөнхцэрэн нь ЗГХЭГ‑ын Салбарын бодлого зохицуулалтын газрын дарга бөгөөд төрийн өмчит компаниудыг удирдлага, менежментээр хангах үүрэгтэй ажилладаг. Тэрбээр төрийн албанд олон жил ажилласан туршлага, удирдлагын мэдлэг, боловсролын өндөр зэрэглэлтэй хүн юм. Гэсэн хэдий ч түүний өмнөх удирдлагын туршлага нь “дампуурсан компани”-д холбоотой байсан учраас олон нийт энэ удаагийн томилгоог шүүмжилж байна.
.jpg)
