БНСУ-д Монгол Улсын иргэн, 50 настай эмэгтэй Д бусдын гарт амиа алдсан харамсалтай хэрэг гарчээ.
Талийгаач БНСУ-ын Гёнбуг мужийн Гүми хотод ажил хийхээр ирээд удаагүй байхдаа сураггүй болжээ. Түүний цогцсыг энэ сарын 8-9-нд шилжих шөнө Гүми хотын нэгэн гүүрний дороос газарт булагдсан байхад нь олжээ.
Цагдаагийнхан уг хэргийг шалгаж, хэрэгтнийг илрүүлсэн талаар БНСУ-ын хэвлэл мэдээллийн хэрэгслүүд мэдээлж байна.
