Шанхайн Мэйжорын плей-оффын шат өнөөдөр/2024.12.12/ эхэлнэ. Дэлхийн шилдэг 24 багтай эхэлсэн аялал өдгөө найман багтай үргэлжилж байна. Энэ дунд Монголын "The MongolZ" баг Ази, Номхон далайн бүс нутгаас ганцаараа үлдсэн нь түүхэн амжилт билээ. Тэгвэл өнөөдөр "The MongolZ" баг 14:00 цагаас Европ тивийн төлөөлөл, дэлхийн чансааны 6-д жагсаж буй "MOUZ" багтай тоглоно.
The MongolZ баг "HEROIC" багийг 2-1 гэсэн харьцаатай буулган авч, плей-оффт арванхоёрдугаар сарын 6-нд шалгарсан. Ийнхүү Ази тивээс анх удаагаа Мэйжорын плей-оффын шатанд шалгарч байгаа баг нь "The MongolZ" болсон юм. Аварга багийг тодруулах 1,250,000 ам.долларын шагналын сантай "Perfect World Shanghai Major 2024" тэмцээний шигшээ шат буюу Playoffs stage өнөөдөр эхлэх юм.
