Сэтгүүлч Н.Өнөрцэцэгт холбогдох хэргийн давж заалдах шатны шүүх хурал өнөө өглөө 10.00 цагт эхэлсэн.
Шүүхийн гадаа сэтгүүлч Н.Өнөрцэцэгийн ар гэрийнхэн, хэвлэл мэдээллийн байгууллагын төлөөллүүд, иргэд болоод УИХ-ын гишүүд ирж байр сууриа илэрхийлсээр байна. Тэгвэл УИХ-ын гишүүн Ж.Баярмаа дөнгөж сая гишүүний бүрэн эрхийнхээ хүрээнд хүсэлт гаргаснаар шүүх хурал болж буй байр руу нэвтрэн орлоо. Тэрбээр шүүх хурлын процессийн талаар мэдээлэл авахаар ийнхүү орж байгаа юм.
