Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадам өнөөдөр /2024.07.11/ албан ёсоор эхэлж, Монгол Улсын Төрийн тугийг Төрийн ордноос Төв цэнгэлдэх хүрээлэнд заллаа.
ВИДЕО:
Сонирхуулахад, Үндсэн хуулийн 12 дугаар зүйлийн 4 дэх хэсэгт Монголын нэгдсэн тулгар төрийн уламжлалт Их цагаан туг нь монгол Улсын төрийн хүндэтгэлийн бэлгэдэл мөн гэж заажээ. Мөн Төрийн бэлэг тэмдгийн тухай хуулийн 9 дүгээр зүйлийн 1-д Төрийн тугийг өнгийн чулуу шигтгэж, дотор нь Монгол Улсын бүх аймгийн хөрсний дээжийг байрлуулан цутгасан, шаталсан хэлбэртэй хот, улсыг бэлэгдсэн хүрээ мандалын байдалтай суурь дээр залж Төрийн ордонд байрлуулна. 9 дүгээр зүйлийн 2-т Төрийн тугийг газарт хүргэхийг цээрлэнэ” гэж заажээ.
