Оросын экспедиц нар Халхын голын эргээс 1939 оны Зөвлөлт-Монголын цэргүүд Японы армитай хийсэн тулалдаанд амь үрэгдсэн гэх ОХУ-ын 27 цэргийн шарилыг олж, заримынх нь нэрийг тогтоолоо гэж тус улсын ТАСС агентлаг мэдээлэв.
Эрлийн ажлын дараа ОХУ-ын экспедицийн дарга Александр Орлов энэ тухай ТАСС-ын сурвалжлагчид, “Тавдугаар сарын 16-нд эхэлсэн экспедицийн ажлыг 2019 оноос хойш гурав дахь жилдээ зохион байгуулж, Улаан армийн 27 цэргийн шарилыг олсон. Эл шарилыг манай сайн дурын улс бүрээс нэгдсэн хүмүүс олсон” хэмээн ярьжээ. Дэлгэрэнгүйг ЭНД ДАРЖ харна уу.
1939 оны тавдугаар сарын 11-нд Халх голын эрэг дээр ЗХУ-Японы хооронд байлдааны ажиллагаа эхэлсэн. Георгий Жуковын удирдлага дор Зөвлөлт, Монголын цэргүүд БНМАУ-д довтолсон Японы Квантуны армийн анги нэгтгэлүүдийг бут ниргэж, наймдугаар сарын сүүлч гэхэд эх орноосоо хөөсөн байдаг. Жуковын хувьд энэ нь томоохон тулааныг удирдаж байсан анхны туршлага байсан бөгөөд Командлагчийг Монгол Улсын одон медалиар шагнаж, БНМАУ-ын баатар цолоор шагнасан. Улаанбаатарт амьдарч байсан байшинд нь дэлхийд цорын ганц гадаад Жуковын музей бий.
Иймд 2023 оны аравдугаар сард Монгол Улсын Ерөнхийлөгч Ухнаагийн Хүрэлсүх Бээжин хотноо болсон хоёр талын уулзалтын үеэр ОХУ-ын Ерөнхийлөгч Владимир Путиныг Халхын голд хамтарсан ялалтын 85 жилийн ойг тэмдэглэхийг урьсан гэж Оросын төрийн мэдлийн ТАСС агентлаг мэдээлжээ.
