Хүннү рок урсгалаар уран бүтээлээ туурвиж буй “The Hu” хамтлаг Европыг зорилоо. Тэдний энэ аялал удаан хугацаанд үргэлжлэх бөгөөд дэлхийн 60 гаруй улсаар аялан тоглох аж. Өнгөрсөн сарын 23-нд эх орондоо анхны тоглолтоо хийсэн тэд Германы Берлин хотод нөгөөдөр /2019.06.06/ тоглолттой. Одоогоор Герман улсын таван хотод хийх тэдний “Gereg” нэртэй тоглолтын билет дууссан тухай эх сурвалж мэдээлжээ.
