Зам, тээврийн хөгжлийн сайд С.Бямбацогт бусдын эрүүл мэндэд хохирол учруулсан байж болзошгүй хэрэгт холбогдон, Улсын мөрдөн байцаах газарт шалгагдаж байгаа билээ.
Тодруулбал, ЗТХЯ-наас өнгөрсөн арваннэгдүгээр сард зохион байгуулсан “Тээврийн долоо хоног 2023” олон улсын форумын үеэр Зам, тээврийн хөгжлийн сайд С.Бямбацогт нь УБТЗ ХНН-ийн орлогч дарга Н.Энхцогтод гар хүрч, эрх чөлөөнд нь халдсан хэрэгт холбогдсон байдаг. Өдгөө тус хэргийг ЦЕГ-ын Улсын мөрдөн байцаах газар шалгаж байгаа бөгөөд Баянзүрх дүүргийн прокурор хяналт тавин ажиллаж байгаа гэдгийг эх сурвалж мэдээллээ. Одоогоор түүнийг яллагдагчаар татаагүй байгаа аж.
