Энэ жилийн Үндэсний их баяр наадмын хүчит бөхийн барилдаанд түрүүлж, улсын арслан цолыг хүртсэн М.Бадарч өнгөрсөн есдүгээр сарын 6-ны өдөр авто осолд орж, ГССҮТ-д хэвтэн эмчлүүлж байгаад 14-ний өдөр эмнэлгээс гарсан талаар бид өмнө нь мэдээлж байсан билээ. Тэгвэл түүний осолд орсон асуудлыг холбогдох байгууллагаас шалгаж, уг хэргийг хааж шийдвэрлэсэн байна. Тодруулбал, М.Бадарч нь ослын улмаас хэн нэгэнд хохирол учруулаагүй, мөн замын хөдөлгөөний дүрэм зөрчөөгүй тул уг хэргийг хуулийн байгууллагаас хааж шийдвэрлэсэн байна.
