Сонгинохайрхан дүүргийн 29 дүгээр хороо Шинэ Драгон төвийн үүдний шилэн пасадны хэсэгт гал гарсан тухай мэдээлэл 13:29 цагт Онцгой байдлын ерөнхий газрын шуурхай удирдлагын төвд ирсэн. Дуудлагын дагуу Сонгинохайрхан дүүргийн Онцгой байдлын хэлтсийн Гал түймэр унтраах, аврах 26, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчид шуурхай ажиллаж тархалтыг 14:02 цагт зогсоож, гал түймрийг 14:45 цагт бүрэн унтраасан байна.
