Баянгол дүүргийн аравдугаар хороонд долоон настай охиныг хүчирхийлж, хөнөөгөөд цогцсыг нь нүхэн жорлонд нуусан байсан жигшүүр өнгөрсөн тавдугаар сарын 26-27-ныг шилжих шөнө гарсан билээ. Улмаар уг жигшүүрт хэргийг үйлдсэн байж болзошгүй этгээдийг Чингэлтэй дүүрэгт байрлах хамаатны ахындаа орогнож байхад нь цагдаагийн байгууллагаас илрүүлж, баривчилсан байдаг. Өдгөө уг хэргийг мөрдөн шалгах ажиллагааг үргэлжлүүлж байгаа бөгөөд тухайн хэрэгт дахин шинжээч томилж, дүгнэлт гаргуулахаар болсон талаар эх сурвалж мэдээллээ.
