Н.Номтойбаярт “таслан сэргийлэх арга хэмжээ авах” Шүүх хурал өнөөдөр зарлагджээ

Н.Номтойбаярт хилийн хориг тавих асуудлыг шүүхээр хэлэлцэж байна

УИХ-ын гишүүн асан Г.Батхүү өнгөрөгч тавдугаар сард Төрийн ордны хоёр давхрын гонхноос учир битүүлэг байдлаар унаж харамсалтайгаар амиа алдсан билээ. Дээрх хэргийг Цагдаагийн ерөнхий газар, Авлигатай тэмцэх газрын хамтарсан ажлын хэсэг шалгаж байгаа.

Энэ хэрэгт гэрчийн мэдүүлэг өгсөн УИХ-ын гишүүн Н.Номтойбаярыг “худал мэдүүлэг өгсөн” гэх үндэслэлээр Нийслэлийн прокурорын газраас яллагдагчаар татсан.

Үүнтэй холбогдуулан УИХ-ын гишүүн Н.Номтойбаяр өчигдөр /2019.12.12/ мэдээлэл хийж, яллагдагчаар татаж байгааг хүлээн зөвшөөрөхгүй хэмээн мэдэгдсэн. Тэгвэл Нийслэлийн прокурорын газраас Н.Номтойбаяр, түүний зөвлөх нарт хилийн хориг тавих санал ирүүлснийг Сүхбаатар дүүргийн Эрүүгийн хэргийн анхан шатны шүүх өнөөдөр 11.00 цагт нээлттэй хэлэлцэж байна.

Н.Номтойбаярт “таслан сэргийлэх арга хэмжээ авах” Шүүх хурал өнөөдөр зарлагджээ

УИХ-ын дэд дарга, Засгийн газрын гишүүн асан, төр нийгмийн нэрт зүтгэлтэн Г.Батхүү агсан энэ оны тавдугаар сард төрийн ордонд өндрөөс унасан байдалтай амиа алдсан хэрэг гарсан.

Харин түүний энэхүү хэрэгт гэрчийн мэдүүлэг өгсөн УИХ-ын гишүүн Н.Номтойбаярыг “худал мэдүүлэг өгсөн” гэх үндэслэлээр яллагдагчаар татсан талаар бид өмнө нь мэдээлсэн.

Харин өчигдөр УИХ-ын гишүүн Н.Номтойбаяр мэдээлэл хийж, тус асуудлаар яллагдагчаар татаж байгааг хүлээн зөвшөөрөхгүй гэж мэдэгдэл хийсэн. Тэгвэл Сүхбаатар дүүргийн Эрүүгийн хэргийн анхан шатны шүүхээс Н.Номтойбаярт “таслан сэргийлэх арга хэмжээ авах” тухай Шүүх хурал өнөөдөр 11 цагт зарлагдсан талаар мэдэгдлийг хүргүүлжээ.

Энэ талаар УИХ-ын гишүүн Н.Номтойбаяр өөрийн твиттер хуудастаа “Худал мэдүүлсэн гэж гүтгээд 2 жил хүртэл төрийн алба хаах эрх хасч, 5.4 саяар торгох эсхүл 720 цаг нийтийн ажил хийх, 1 жил зорчих эрх хасах ялтай ангиар татсан. Дөнгөж цагийн өмнө шүүх хурал зарлаж. Яасан ч хурдан юм. Пицца хүргэлтээс ч хурдан. Очино доо. Хэвлэлд нээлттэй” гэжээ.

Худал мэдүүлсэн гэж гүтгээд 2 жил хүртэл төрийн алба хаах эрх хасч, 5.4 саяар торгох эсхүл 720 цаг нийтийн ажил хийх, 1 жил зорчих эрх хасах ялтай ангиар татсан. Дөнгөж цагийн өмнө шүүх хурал зарлаж. Яасан ч хурдан юм. Пицца хүргэлтээс ч хурдан. Очино доо. Хэвлэлд нээлттэй. pic.twitter.com/J7NqnCRSEZ
— Н.Н.Номтойбаяр (@Nomt7) December 12, 2019

Н.Номтойбаярт ирсэн шүүхийн мэдээлэл