isee.mn сэтгүүлч Б.Батчимэг ОХУ-д ажиллаж байна.
Энэ сарын 19-21-ны өдөр УИХ-ын дарга Г.Занданшатар ОХУ-д айлчиллаа. Айлчлал үр дүнтэй болж хэд, хэдэн бодитой шийдвэрт хүрсэн талаар албаныхан хэлж байна.
Тухайлбал,
- УБТЗ-ын 200 тэрбумын өрийн асуудлаа барагдуулж ОХУ, Монгол хамтран тус компанийн дүрмийн санг 167 тэрбумаар нэмэгдүүлэхээр болсон. Энэ мөнгөөр УБТЗ дэр модоо шинэчлэх, хөрөнгө оруулна.
- ОХУ талаас хөрөнгө оруулалтдаа 5 шинэ зүтгүүр өгч буй. Энэ нь ачаа тээврийн эргэлт хамгийн багадаа 2 сая тонноор нэмэгдэх урьдчилсан тооцоо бий.
- Монгол, ОХУ хууль тогтоох байгууллага хооронд хамтран ажиллах комисс байгуулахаар боллоо. Анхны хурлаа ирэх наймдугаар сард Монгол улсад зохион байгуулна.
- Ангарскийн шатахууны үйлдвэр 30 хоног засварт орно. Гэхдээ шатахуун ХОМСДОХГҮЙ, үнэ ӨСӨХГҮЙ. Нийлүүлэлтээ өсгөж, шаардлагатай бол нөөцлөх ажилд хамтран ажиллая гэж тохирчээ.
Тэгвэл манай улсаас ОХУ-д суугаа бүрэн эрхт Элчин сайд Ө.Энхтүвшин УИХ-ын дарга Г.Занданшатарын айлчлалыг дүгнэн ийнхүү ярилаа. Тэрбээр " Гадаад оюутнууд ажил хийж болдоггүй хуультай. Тэгвэл УИХ-ын даргын айлчлалаар ОХУ-д сурч монгол оюутнууд ажил хийх боломж нээгдлээ. Ковид болон бусад хүндрэлээс болоод 2019 оноос хойш ОХУ-д амьдарч буй иргэдтэйгээ уулзаж чадаагүй байсан. Харин УИХ-ын дарга ирж иргэдтэйгээ уулзлаа. Уулзалт их өргөн хүрээнд боллоо. Бүхэлд нь дүгнэвэл УИХ-ын даргын айлчлал маш амжилттай боллоо" гэсэн юм.
ҮЗЭХ:
