Уул уурхай, хүнд үйлдвэрийн яамны Төрийн нарийн бичгийн дарга /ТНБД/-ын үүрэг гүйцэтгэгчээр 2022 оны аравдугаар сард томилогдсон Б.Бямбадагвыг саяхан болсон Засгийн газрын хуралдаанаар үүрэгт ажлаас нь чөлөөлсөн байна.
Учир нь түүний төрийн албанд ажилласан жил зэрэг нь хүрэхгүй хуулийн шаардлагад нийцэхгүй байсан тул ийнхүү чөлөөлсөн гэх мэдээлэл байна. Харин түүний оронд томилогдох хүний сонгон шалгаруулалтыг Төрийн албаны зөвлөлөөс одоогоор зарлаагүй байгаа юм. Тэгвэл олон сарын хугацаанд Төрийн нарийн бичиг даргагүйгээр үйл ажиллагаагаа явуулж байгаа Эрүүл мэндийн яам болон Эдийн засаг, хөгжлийн яамны ТНБД-ын сонгон шалгаруулалтыг Төрийн албаны зөвлөлөөс зарласан байна. Холбоотой мэдээллийг ЭНД ДАРЖ үзнэ үү.
Сонирхуулахад, Уул уурхай, хүнд үйлдвэрийн яамны сайдаар УИХ-ын гишүүн Ж.Ганбаатар, тус яамны дэд сайдаар О.Цэндсүрэн нарыг Засгийн газраас томилон ажиллуулж байгаа юм.
