Монголын биатлоны шигшээ багийн зургаан тамирчин Латвийн Мадонад болж буй залуучуудын “IBU Cup” тэмцээнд оролцож байна.
Улиралын анхны тэмцээндээ энэ сарын 15-нд оролцсон манай биатлончид эрэгтэй, эмэгтэйчүүдийн ганцаарчилсан төрөлд өрсөлдөв. Эрэгтэйчүүдийн 20 км-ын уралдаанд ОУХМ Э.Энхсайхан 133 тамирчнаас 72 (3+1+0+2), спортын мастер Б.Анхболд 101 (2+1+0+1) дүгээр байрт оржээ.
Эмэгтэйчүүдийн 15 км-т ОУХМ М.Должинсүрэн 112 тамирчнаас 55 (0+1+0+1) дугаар байр эзэлжээ. Мөн Э.Энхсайхан, М.Должинсүрэн нар өчигдөр дан холимог буухиа уралдаанд хурдаа сорив.
