CSGO-ын 1 сая ам.долларын шагналын сантай "IEM Katowice 2023" тэмцээн Польш улсын Катовиц хотод болж байна. Уг тэмцээнд Монголын IHC Esports баг томоохон амжилт гаргаж, чансаа дээгүүр алдарт багуудыг ар араас нь буулган авсан талаар бид өмнө нь мэдээлсэн.
Тэгвэл тэмцээн уралдааны статистик гаргадаг эрх бүхий хамгийн том байгууллага HLTV-ээс эрхлэн гаргадаг дэлхийн чансаа энэ сарын 6-нд шинэчлэгдсэн байна. Улмаар нэгдүгээр сарын 30-ны байдлаар 36-д бичигдэж байсан Монголын IHC Esports баг тус чансаагаар 15 байр ахиж 21-д жагсжээ. Ингэснээр Бразилын paiN, Америкийн Evil Geniuses, Португалын SAW зэрэг алдарт багуудын дээр бичигдлээ.
