Челси клуб Тиаго Силватай шинэ гэрээ байгуулжээ.
Сэтгүүлч Фабрицио Романогийн мэдээлснээр "Челси клуб шинэ гэрээний нөхцөлийн талаар төвийн хамгаалагчтай бүрэн тохиролцоонд хүрсэн байна. Гэрээний хугацааг 2024 оны зургаадугаар сар /2024.06/ хүртэл тооцно" хэмээжээ. Тиаго Силва 2020 оноос хойш "Челси" клубт тоглож байгаа бөгөөд клубийн хамтаар "Аваргуудын лиг", "Европын супер цом", "Клубүүдийн дэлхийн аварга" зэрэг шагналыг хүртсэн. Тэрбээр энэ улирлын бүх тэмцээний 24 тоглолтод оролцож 2 гоолын дамжуулалт өгсөн ажээ.
