Хятадын найман иргэнийг Шангри-ла зочид буудлаас баривчилжээ

Өнгөрөгч шөнө "Амар", "Кентавр", "Юнион", "Ориентал" зэрэг зочид буудалд байрлаж, цахим гэмт хэрэг үйлдэж байсан байж болзошгүй БНХАУ-ын 700 гаруй иргэдийг саатуулж, тэдний хэрэглэж байсан өндөр хүчин чадал бүхий 1000 орчим компьютер, 10 мянган гар утасны дугаарыг хураасан талаар бид мэдээлсэн.

Тэгвэл эх сурвалжаас авсан мэдээллээр Тус цахим гэмт хэргийг удирдаж байсан байж болзошгүй БНХАУ-ын найман иргэнийг Шангри-Ла зочид буудлаас ТЕГ-ын албан хаагчид болоод Эрүүгийн цагдаагийн газрын албан хаагчид баривчилсан байна.

Өчигдөр Хятад иргэдийг саатуулах үеэр тэдний байрлаж байсан газраас маш их хэмжээний америк доллар гарч ирснийг эд мөрийн баримтаар хураан авсан байна.

Одоогоор тэднээс хурааж авсан техник хэрэгсэлд үзлэг шалгалт хийгдээгүй байгаа гэх ба ажиллагааны баримтжуулалт хийгдэж байгаа ажээ.

Монголын цахим орчинг хянах зорилготой байсан байж болзошгүй

-СААТУУЛАГДСАН ИРГЭДИЙН ТОО 1000 ОРЧИМД ХҮРЧЭЭ-

Өнгөрөгч шөнө "Амар", "Кентавр", "Юнион", "Ориентал" зэрэг зочид буудлуудад байрлаж БНХАУ-ын 500 гаруй иргэдээс өндөр хүчин чадал бүхий 1000 шахам компьютер, 10 мянган гар утасны дугаар зэрэг баримт илэрсэн тухай мэдээлэл байна.

-ЗАСГИЙН ГАЗАР ХААЛТТАЙ ХУРАЛДАНА-

Тагнуулын байгууллагаас өгсөн мэдээллээр эдгээр иргэдийг цахим гэмт хэрэгтэй холбогдуулан шалгаж байгаа аж. Учир нь эдгээр иргэд Монголын цахим орчинг хянах зорилгоор үйл ажиллагаа явуулж байсан байж болзошгүй байгаа талаар эх сурвалж мэдээлж байна. Мөн өнөөдөр өглөөний 7: 00 цаг хүртэл үргэлжилсэн ТЕГ, ЦЕГ-ын хамтарсан тусгай ажиллагаанд БНХАУ-ын 1000 орчим иргэн саатуулагдаад байгаа ажээ. Тус асуудлаар өнөөдөр Засгийн газар хаалттай хуралдана гэсэн мэдээлэл байна.

Бид үйл явдлыг эргэн мэдээллэх болно.