Хурим найрын сар үргэлжилж байгаатай холбогдуулан энэ сар /2022.09/-аас эхлэн Гэрлэх ёслолын ордон үйлчилгээний төлбөрөө 300-400 мянган төгрөгөөр нэмжээ.
Тодруулбал, Өнгөрсөн хугацаанд 40-60 минут нь 900 мянга, 990 мянга гэсэн хоёр сонголттой байсан үнийн тариф өнөөдөр /2022.09.01/-өөс эхлэн 1,190,000-1,290,000 төгрөг гэсэн хоёр сонголттой болж нэмэгдсэн байна. Тус ордны хувьд хамгийн их буюу наймдугаар сард 300-350 хос гэрлэх ёслол хийдэг аж. Мөн бар жилийн хувьд бусад жилтэй харьцуулбал хурим бага болдог талаар Гэрлэх ёслолын ордны Гэр бүл сургалтын багш М.Пүрэвсүрэн хэлжээ.
