Тавантолгой ХХК-ийн үйлдвэрлэсэн сайжруулсан шахмал түлшинд хордсон байж болзошгүй нийт 135 иргэн Хордлогын үндэсний төвд хандаад байна. Харин албаныхан иргэд буруу галлагаа хийсэн учир угаарын хийд хордсон гэж байгаа юм. Харин зарим эх сурвалжууд “Өнгөрөгч зун бороо их орсон, энэ үеэр өмнөх жилээс эхлэн нөөцлөөд байсан 200 мянган тонн шахмал түлш үйрч, их хэмжээний хаягдал гарсан. Тиймээс түлшний бат бэх чанарыг сайжруулах гээд барьцалдуулагчийг БНХАУ-аас оруулж ирсэн. Харин барьцалдуулагчийн найрлагийг мэргэжлийн хяналт мэдэхгүй гэдэг нь шинжлээгүй гэсэн үг үү” гэсэн мэдээллийн өгч байгаа юм. Харин албаныхан нүүрс барьцалдуулагчид эрдэнэ шиш ашигласан гэж байгаа юм.
Тэгвэл сайжруулсан шахмал түлшинд хийсэн Гаалийн Ерөнхий газрын гаалийн төв лабораторийн дүгнэлтээр нүүрс барьцалдуулагчид цардуул болон шаварлаг эрдэс агуулагдаж байна гэжээ. Харин тус шаварлаг эрдэс шатахаар иргэдийн эрүүл мэндэд нөлөөлж байна уу гэдийг тогтоосон шинжилгээний дүн одоо хараахан гараагүй байна.
.jpg)
