No Double Standard хөдөлгөөний зохицуулагч н.Монголхүү, Э.Одбаяр нарын залуучуудыг цагдаагийн байгууллагаас 48 цагийн хугацаатай баривчилсан ч, удалгүй шүүхээс тэднийг 30 хоног хорих шийдвэрийг гаргасан. Харин Э.Одбаяр ШШГЕГ-ын харьяа 461 дүгээр ангид өлсгөлөн зарлаад өнөөдөр найм хонож байгаа юм.
Өнөөдөр түүнтэй цагдаагийн алба хаагч уулзаж, “өлсгөлөнгөө зогсоогооч гэсэн саналыгЭ.Одбаярт тавьсан ч тэрээр, “хугацаагүй өлсгөлөнгөө үргэлжлүүлнэ” гэдгээ мэдэгдсэн байна.
Тэгвэл Э.Одбаяр, Б.Монголхүү нартай хамт хоригдоод суллагдсан н.Чинбат цагдаа нарын хууль бус үйлдлийг АТГ-т шалгуулахаар хандаж байгаа талаараа мэдээллээ. Мөн тэрээр өнөөдөр 16:00 цагт Сүхбаатарын талбайд өлсгөлөн зарлана гэдгээ мэдэгдэх ажээ.
