45 настай, эмэгтэй, сэтгэцийн өөрчлөлттэй эмэгтэй гэрээсээ гараад сураггүй болжээ.
Тодруулбал, Баянхонгор аймгийн Эрдэнэцогт сумын Эрхт тамч багийн “Эрхэтийн-Ар тогоот” гэдэг газар наймдугаар сарын 20-ны өдрийн 10:00 цагийн орчимд 45 настай эмэгтэй айлд цагаан идээ хүргэхээр гэрээсээ явганаар яваад сураггүй болсон тухай дуудлагыг наймдугаар сарын 21-ний өдрийн 16:45 цагт хүлээн авчээ.
Тус аймгийн Онцгой байдлын газар, сумын Цагдаагийн хэсгийн алба хаагчид, Засаг даргын Тамгын газрын ажилтнууд, ар гэрийн хүмүүс иргэн Ц-ыг “Могой” гэдэг газраас “Эрхэтийн хавцал” гэдэг газар хүртэл явганаар 10 км-т эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 21:20 цагт түр зогсоосон байна.
Улмаар энэ сарын 30-ны өдөр эрэн хайх ажиллагааг эхлүүлжээ.
