Үндэсний үйлдвэрлэгч Lhamour брэнд “Forbes” сэтгүүлээс гаргадаг Ази, Номхон далайн орнуудын 100 бизнесийг онцолсон жагсаалтанд багтжээ. Тус компани нь органик түүхий эдээр гоо сайхны бүтээгдэхүүн үйлдвэрлэдэгээрээ хэрэглэгчдэд танигдсан юм.
Өнгөрсөн хоёр жил гаруйн хугацаанд цар тахлын улмаас дэлхий даяар олон ААН, бизнесүүд алдагдал хүлээж, үүдээ барьж байв. Тэдгээр байгууллага дундаас шилдэг стратеги, чиг шугам барьж, зорилгодоо үнэнч зогсож, хэвийн үйл ажиллагаагаа авч үлдэж чадсан бизнесүүдийг Forbes сэтгүүл онцолжээ.
