Нийслэлийн Хан-Уул дүүргийн 11 дүгээр хороо, “Зайсангийн гүүр”-ийн доор “Туул” голд хүн урсаж байна гэсэн дуудлагыг 08.05-ны өдрийн 13:46 цагт Онцгой байдлын албанд ирүүлжээ. Нийслэлийн Аврах ангийн алба хаагчид 7.5 замыг туулан 14:00 цагт очиж, эрэн хайх ажиллагааг зохион байгуулж, “Яармагийн гүүр”-ээс баруун тийш 200 метр зайд “Туул” голд Чингэлтэй дүүргийн 11 дүгээр хорооны харьяат Т /12 настай, эмэгтэй/-ын цогцсыг мөн өдрийн 14:56 цагт олж, тус дүүргийн Цагдаагийн 2 дугаар хэлтсийн мөрдөгчид шилжүүлж өгсөн.
