Монгол орны тарваганы тоо толгой, тархац нутаг, халдварт өвчний голомт нутгийг тогтоох, тарваган тахал өвчнөөс урьдчилан сэргийлэх, иргэдийн аюулгүй байдлыг хангах зорилгоор тарвагыг ахуйн болон үйлдвэрлэлийн зориулалтаар агнахыг Монгол орны хэмжээнд гурван жил хориглосон Байгаль орчин, аялал жуулчлалын яамны сайдын тушаал гарчээ.
Тушаалын хэрэгжилтэд хяналт тавьж ажиллахыг аймаг, сум, нийслэлийн Засаг дарга нарт даалгасан байна.
