Энэ өдрүүдэд иргэдийн амралт зугаалга үргэлжилж байна. Харин энэ үеэр зарим хүмүүс “хийлдэг завь гэх гудас”-ыг ашигласан усны мандалд хөвж байгаад салхинд туугдан алга болсон тохиолдолд цөөнгүй гарч байгаа юм.
Иймд зарим эх сурвалжууд тус хийлдэг гудасыг хэрэглэхгүй байхыг анхааруулж байгаа билээ. Тэгвэл өчигдөр /2021.07.17/ хийлдэг гудас дээр хөвж байгаад, салхинд туугдан алга болсон хэрэг гаргасан байна.
Тодруулбал, Булган аймгийн Баян-Агт сумын Шарга багийн “Шаргын нуур” гэдэг газарт “Шарга” нуурын эрэг дээр 12 хүн зугаалж байснаас 1 хүн нь хийлдэг гудастай усны мандалд зугаалж байгаад салхинд туугдан эргээс холдсон тухай дуудлагыг өчигдөр /2021.07.17/ 18:35 цагт ОБЕГ хүлээн авсан.
Ингээд тус аймгийн Онцгой байдлын газрын алба хаагчид 145 км зам туулан 21:40 цагт очиход нийслэлийн Баянзүрх дүүргийн харьяат иргэн Н /20 настай, эмэгтэй/ хийлдэг гудастай усны мандалд зугаалж байгаад салхинд туугдан эргээс 300 метр холдсон байсныг тус сум дах Цагдаагийн хэсгийн төлөөлөгч, 21:15 цагт хийлдэг гудас ашиглан нуурын усанд сэлж эсэн мэнд гаргасан байсан тул тухайн газраас 22:20 цагт бүлэг буцсан байна.
