2021-06-02 12:16
Туул голд осолдсон байж болзошгүй хоёр иргэнийг эрэн хайж байгаа талаар бид мэдээлсэн. Тэгвэл өнөөдөр өглөө уг хоёр иргэний цогцсыг олжээ. Тодруулбал, 09:46 цагт ослын газраас 3 км зайд иргэн Г /38 настай, эрэгтэй/, мөн 10.05 цагт тус газраас 500 метрийн зайд иргэн Ц /63 настай, эрэгтэй/-н цогцсыг олсон байна. Улмаар Налайх дүүргийн Онцгой байдлын хэлтсээс Төв аймгийн цагдаагийн байгууллагад тус хэргийг хүлээлгэн өгчээ.
2021-06-02 11:43
Туул голд машинтайгаа осолдсон байж болзошгүй хоёр иргэнийг Онцгой байдлын алба хаагчид эрэн хайж байна. Тодруулбал, Төв аймгийн Эрдэнэ сумын нутаг дэвсгэрт өчигдөр/2021.06.01/ 23.00 цагийн орчим голд хоёр иргэн машинтайгаа сууж, улмаар усанд урсаж осолдсон байх магадлалтай гэх дуудлагыг /06-02/ өнөө өглөө 06.00 цагийн үед ОБЕГ хүлээн авчээ.
Дуудлагын дагуу Налайх дүүргийн Онцгой байдлын хэлтсийн 28-р ангийн алба хаагчид эрэлийн үйл ажиллагааг зохион байгуулж байна.
