"Токио-2020" олимпын эрх олгох FIBA 3x3 сагсан бөмбөгийн сүүлийн тэмцээн өчигдөр /2021.05.26/ Австри улсын Грац хотод эхэлсэн. Энэ сарын 26-30 хооронд үргэлжлэх уг тэмцээнд манай улсын эрэгтэй шигшээ баг олимпын эрхийн төлөө өрсөлдөж байгаа юм.
Тэгвэл өнгөрсөн шөнө болсон тоглолтоор манай эрэгтэйчүүдийн шигшээ баг Дэлхийн аваргын хүрэл медальт Польшийн шигшээ багийг 22 оноогоор буулгаж авсан байна. Тэд цаашид Бразил, Турк, Чехийн шигшээ багуудтай тоглох хуваарьтай байна.
