ПРОКУРОР: М.Энхсайхан болон 411 дүгээр ангид шалгалт, үзлэг хийгээгүй

Өнгөрөгч долоо хоногт М.Тулгат тэргүүтэй АН-ын удирдлагууд хорих 411 ангид очиж, Ерөнхий сайд асан М.Энхсайханыг эргэсэн, энэ үеэрээ “түүнийг тус намын даргын зөвлөхөөр ажиллах санал тавьсан” байдаг. Харин тус уулзалтын дараа прокурорын байгууллагаас 411 дүгээр ангид шалгалт хийсэн байж болзошгүй байгаа талаар эх сурвалж бидэнд мэдээлсэн.

Тэгвэл тус мэдээлэлтэй холбогдуулж албаны эх сурвалж манай редакц руу холбогдож, “прокурорын байгууллагаас ямар нэг шалгалт, үзлэг явуулаагүй” гэсэн албан ёсны мэдээллийг өглөө.

АН-ынхан М.Энхсайхантай уулзсаны дараа прокурорын байгууллагаас хорих 411 дүгээр ангид шалгалт орсон уу

Өнгөрөгч долоо хоногт М.Тулгат тэргүүтэй АН-ын удирдлагууд хорих 411 дүгээр ангид очиж, Ерөнхий сайд асан М.Энхсайханыг эргэсэн байгаа юм.

Тэд энэ үеэрээ “М.Энхсайхан нарыг үзэл санааны хоригдолд тооцох болсон тогтоолоо танилцуулж, мөн түүнийг АН-ын даргын зөвлөхөөр ажиллах санал тавьсан” гэж буй.

Тэгвэл АН-ын удирдлагуудыг М.Энхсайхантай уулзаад явсны дараа прокурорын байгууллагаас хорих 411 дүгээр ангид шалгалт оруулсан гэх мэдээлэл байна.

Энэ үеэрээ прокурорын байгууллагын нэр бүхий албан тушаалтан М.Энхсайхантай уулзаж, “Хорих ангиас ямар нэг улс төрийн үйл хэрэг явуулж болохгүй гэдгийг түүнд сануулсан байж болзошгүй байна” гэх эх сурвалжийн мэдээллийг эх сурвалж бидэнд өглөө. Учир нь ял эдэлж буй иргэн хорих ангиас ямар нэг улс төрийн үйл ажиллагаа явуулах, оролцох нь хуулиар хориотой байдаг ажээ.