Дэлхий нийтээр коронавирусийн халдвараас илүү энэ долоо хоногт АНУ-ын Ерөнхийлөгчийн сонгуулийг чих тавин анхаарч байна. Томоохон хэвлэл мэдээллийн хэрэгсэл, цахим сүлжээний эргэн тойронд сонгуулийн талаарх мэдээлэл давамгайлж байлаа. Тэгвэл АНУ-ын Ерөнхийлөгчийн сонгуулиас гадна дэлхий нийтэд болсон онцлох үйл явдлуудыг тоймлон хүргэе.
-ИЗРАЙЛИЙН ЦЭРГҮҮД ПАЛЕСТИНЫ ХУУЛЬ БУС ГЭРҮҮДИЙГ НУРААВ-
Израилийн цэргүүд Иордан голын баруун эрэг дэх Палестины галын бүсэд босгосон хууль бус гэрүүдийг нураажээ. Улмаар 41 хүүхэдтэй 73 иргэн орон гэргүй болжээ.
-ЭТИОПЫН ЦЭРГИЙН АЖИЛЛАГАА ИРГЭНИЙ ДАЙНЫ АЙДСЫГ ТӨРҮҮЛЭВ-
Этиопын Ерөнхий сайд Абий Ахмед хойд Тиграй муж руу цэргээ оруулах тушаал өгсөн өгөв. Тэрээр Тиграйн Ардын Чөлөөлөх Фронт (TPLF) -аас бүс нутгийн нийслэл Мехелле мужийн холбооны цэргийн бааз руу дайрсан гэх үйлдэлд хариу арга хэмжээ авч байна гэж тайлбарлажээ.
-ТРАМПЫН ЗАСАГ 2,9 ТЭРБУМ ДОЛЛАРЫН ҮНЭТЭЙ БАЙЛДААНЫ ДРОН ХУДАЛДАЖ АВАХ ГЭРЭЭГ НААШЛУУЛАВ-
Трампын засаг захиргаа Арабын Нэгдсэн Эмират улсад зэвсэглэсэн 18 ширхэг MQ-9B нисэх онгоцыг ойролцоогоор 2.9 тэрбум доллараар зарах гэж байгаа талаар АНУ-ын Төрийн департамент мэдээлэв.
-ЭНЭТХЭГИЙН ХАМГИЙН АЛДАРТАЙ ТЕЛЕВИЗИЙН ХӨТЛӨГЧИЙГ БАРИВЧЛАВ-
Энэтхэгийн Бүгд найрамдах телевизийн телевизийн нүүр царай, үүсгэн байгуулагч Арнаб Госвами лхагва гарагт амиа хорлосон гэгдэж байсан Анвай Найкийн үхлийн хэргээр баривчлагджээ.
-ОХУ-Д ЕРӨНХИЙЛӨГЧ ЭРҮҮГИЙН ХЭРЭГТ НАСАН ТУРШДАА ХАРИУЦЛАГА ХҮЛЭЭЛГЭХГҮЙ БАЙХ ХУУЛИЙН ТӨСӨЛ САНААЧЛАВ-
ОХУ-ын хууль тогтоогчид Ерөнхийлөгч асангууд насан туршдаа эрүүгийн хариуцлага хүлээлгэхгүй байх хуулийн төсөл өргөн барьсан хэмээн ТАСС агентлаг мэдээллээ. ОХУ-ын одоогийн хууль тогтоомжийн дагуу ерөнхийлөгчид албан тушаал хашиж байхдаа үйлдсэн гэмт хэрэгт хариуцлага хүлээлгэх боломжгүй юм.
-БАРИЛГЫН НУРАНГИД ДАРАГДСАН ОХИНЫГ 91 ЦАГИЙН ДАРАА АВРАВ-
Туркийн Измир хотод өнгөрсөн баасан гарагт/2020.10.30/ болсон хүчтэй газар хөдлөлтийн улмаас барилгын нурангид дарагдсан дөрвөн настай охиныг 91 цагийн дараа аврав.Айла Гезгин гэх дөрвөн настай охин нурангиас амь аврагдсан 107 дахь хүн болжээ.
Эх сурвалж: BBC
