Хятадын 2020 оны хамгийн хүчтэй, өрсөлдөх чадвар сайтай ахуйн цахилгаан хэрэгсэл үйлдвэрлэгч компаниудын жагсаалтыг харилцаа холбооны “Huawei” корпораци тэргүүлжээ. Энэ тухай “Forbes” сэтгүүлийн Хятад хувилбар болох "Хужунь" сэтгүүл мэдээлсэн байна.
“Huawei” компанийн хөрөнгө 1.1 их наяд юань буюу 163.8 тэрбум ам.доллароор үнэлэгдэж байна. Өнгөрсөн оныхтой харьцуулахад энэ үзүүлэлт 100 тэрбум юаниар буурчээ. Энэ нь америкийн хориг арга хэмжээ авсны улмаас компанид багагүй хүндрэл учирсантай холбоотой аж.
Жагсаалтын дараагийн гурван байранд “Xiaomi”, “VIVO”, “OPPO” ухаалаг гар утас үйлдвэрлэгч компаниуд орсон байна. Эдгээр компанийн хөрөнгө 434 тэрбум, 175 тэрбум, 170 тэрбум юаниар тус бүр үнэлэгдэж байна.
АНУ-ын Худалдааны яам 2019 оны 5 дугаар сарын 17-нд “Huawei” компанийг хар жагсаалтад оруулснаар тус компанийг АНУ-д өндөр технологийн хэрэгсэл худалдан авах боломжийг нь хязгаарлажээ. Энэ оны 8 дугаар сарын 17-нд Америкийн эрх баригчид тус компанийн мөн 38 охин компанийг АНУ-д үйлдвэрлэгдсэн технологи, программ хангамжийг олж авах боломжийг нь хязгаарласан байна.
