Өнгөрсөн өдрүүдэд шатахууны хомсдолтой холбоотойгоор иргэд шатахуун түгээх станцуудын гадна дараалал үүсгэж, улмаар үл ойлголцох асуудал нэлээдгүй гарсан.
Тухайлбал, "Сод Монгол" ШТС-ын гадна иргэд хоорондоо маргалдан, улмаар нэгнийхээ биед халдаж буй бичлэг цахим сүлжээнд цацагдсан. Тэгвэл уг асуудлыг хуулийн байгууллагаас шалгаж байгаа эсэхийг тодруулахад "Сонгинохайрхан дүүргийн 27-р хорооны нутаг дэвсгэрт байрлах Сод Монгол" ШТС-ын ойролцоо зохицуулалт хийж байсан цагдаагийн алба хаагчийг гурван хүн нийлээд боож унагаагаад байна”, “Цагдаа иргэнийг зодсон, дуудлага өгч байна ” гэх зөрүүтэй дуудлага мэдээлэл цагдаагийн байгууллагад бүртгэгдсэн. Энэ дагуу шалгалтын ажиллагаа явуулж байна. Одоогоор гэмтсэн бэртсэн нөхцөл байдлын мэдээлэл байхгүй" гэх мэдээллийг өглөө.
