Сүхбаатар аймгийн Эрдэнэцагаан сумын нутагт байрлах Хилийн цэргийн 0146 дугаар ангийн хугацаат цэргийн алба хаагчид дэглүүлсний улмаас эрүүл мэндэд нь хохирол учирч, эмнэлгийн тусламж үйлчилгээ авч байгаа талаарх мэдээлэл өнгөрсөн наймдугаар сарын сүүлчээр/2024.08.28/ гарч, энэ нь олны анхаарлыг татаад байсан билээ.
Тэгвэл тухайн алба хаагчид шаардлагатай эмчилгээ үйлчилгээ авсан бөгөөд холбогдох байгууллагууд нь шалгалтын ажиллагааг үргэлжлүүлж байгаа аж. Эх сурвалжийн мэдээлж буйгаар төмсөг нь гэмтсэн гэх хоёр цэрэг нь ямар нэгэн гаднын нөлөөгүй, эрүүл мэндийн шалтгааны улмаас хагалгаанд орсон болох нь урьдчилсан байдлаар тогтоогдоод байгаа аж. Харин тухайн алба хаагчидтай "цэргийн дүрмийн бус харилцаа үүссэн" гэж дүгнэсэн байна. Тодотговол, цэргийн алба хаагчидтай өндөр дуугаар харилцах, зохисгүй үг хэллэг хэрэглэх зэргээр харилцаа үүссэн. Харин бие махбодод нь халдаагүй" гэж дүгнэжээ. Бид энэ талаар эргэн мэдээлэх болно.
