Монгол Улсын Ерөнхийлөгчийн Бүгд найрамдах Беларусь улсын Ерөнхийлөгч А.Г.Лукашенко Монгол Улсад энэ сарын 01-04-нд төрийн айлчлал хийж байна. Энэхүү айлчлалаар худалдаа, хүнс, хөдөө аж ахуй, боловсрол, шинжлэх ухаан, байгаль орчин, онцгой байдал зэрэг салбарын хамтын ажиллагааг өргөжүүлэхээр тохиролцоод буй.
Харин энэхүү айлчлалыг манай улсын зарим иргэд эсэргүүцэж байгаа бөгөөд ерөнхийлөгч асан Ц.Элбэгдорж А.Г.Лукашенкотой холбоотой авлига, мөнгө угаалтын хэргийн талаар Х хуудсандаа жиргэсэн юм.
Offshore-т Монголоос нэг удаа төлөгдсөн мөнгө. Зуун тэрбум, 903 сая. Лукашенко гэр бүл Монгол, Беларусь хоёроос л хулгай хийж байна гэж. Беларусийн Европ дахь сөрөг хүчний эрэн сурвалжлах сайт. pic.twitter.com/CoRVddQwrz
— Mongol Tsakhia ELBEGDORJ (@elbegdorj) June 1, 2024
Тэгвэл дарангуйлагч гэж нэрлэгддэг Ерөнхийлөгч А.Лукашенко болон түүний хүү, хамтран ажиллагсад зэрэг 59 хүний хөрөнгө, дансыг 2020 оны арваннэгдүгээр сарын 6-ны өдөр битүүмжилсэн байдаг. Улмаар Лукашенкогийн мөнгө угаадаг сүлжээгээ Монголоор дамжуулж Эстони, Доминиканы Бүгд Найрамдах улсын оффшор данс руу ордог байсан нь илэрсэн юм.
-А.ЛУКАНЕНКОГИЙН МӨНГӨ УГААДАГ КОМПАНИ НЬ БЕЛАРУСИЙН ТӨРИЙН ӨМЧИТ БЕЛАЗ КОМПАНИ-
А.Лукашенкогийн мөнгө угаадаг компани нь уул уурхайд ашигладаг хүнд даацын машин, тоног төхөөрөмж үйлдвэрлэгч Белаз гэх компани байв. Беларусийн төрийн өмчит “Белаз” компани нь Монгол дахь албан ёсны борлуулагч болох “United Belaz Machinery” компаниар дамжуулан ачааны машин болон бусад бүтээгдэхүүн борлуулдаг байжээ. Харин “United Belaz Machinery” компанийн хувьцаа эзэмшигчид нь Монгол Улсын иргэн М.Отгонжаргал, Беларусийн иргэн Япринцев Владимир Геннадьевич нар байжээ.
Япринцев бол самбо бөхийн дэлхийн гурван удаагийн аварга бөгөөд тухайн үед Монгол Улсын Ерөнхийлөгч байсан Халтмаагийн Баттулгатай дотно нөхөрлөдөг талаараа ярьж байсан удаатай. Тэд 1980-аад оны дунд үеэс самбо бөхийн спортод дурлах болсноор танилцаж, Монголд хамтарсан үйлдвэр байгуулжээ.
Харин М.Отгонжаргал бол Х.Баттулгын хувийн туслах байсан хүн. Тэрээр "Түмэн хишигтэн", "Баялгын хувь" гэсэн хоёр компанийн хувьцаа эзэмшигч байсан тэрээр тухайн үед Монгол Улсын Ерөнхий Прокурорын газарт хууль сахиулах өндөр албан тушаал эрхэлдэг байж. Иймээс Лукашенког Монголд уул уурхайн тоног төхөөрөмж зарах нэрийдлээр их хэмжээний мөнгө угаасан байж болзошгүй хэмээн сэжиглэж байгаа юм. “United Belaz Machinery”-ийн дилерийн газруудыг зөвхөн А.Лукашенкогийн дэглэмийн хамгийн ойрын хүмүүс тухайлбал Монголд л олгодог гэж үздэг.
-М.ОТГОНЖАРГАЛ НЬ Х.БАТТУЛГЫН С1 ТЕЛЕВИЗИЙГ ҮҮСГЭН БАЙГУУЛАГЧИЙН ГЭР БҮЛИЙН ХҮН ГЭЖЭЭ-
“ProPublica” сэтгүүлд Монголын төмөр замын бүтээн байгуулалтыг тойрсон авлига, ТЭЗҮ-ийг хуурамчаар үйлдсэн гэх мэдээллийг дэлгэжээ. Тухайн үеийн Зам, тээвэр, хот байгуулалтын сайд байсан Х.Баттулга, түүний зөвлөх Г.Чулуунхүү нар энэ хэрэгт холбогдож байсан. Белаз дилерийн анхны хувьцаа эзэмшигч М.Отгонжаргал мөн Х.Баттулгын хамсаатнаар татагдсан. Х.Баттулга Ерөнхийлөгчөөр сонгогдож, хэргийг шалгаж байсан Ерөнхий прокурор, Авлигатай тэмцэх газрын дарга нар ажлаа өгсний дараа мөрдөн байцаалтын ажиллагаа, мөрдөн байцаалтын ажиллагаа дууссан. Төмөр замын мөрдөн байцаалтын явцад Х.Баттулгатай холбоотой компани, сангуудын дансанд М.Отгонжаргал олон сая ам.доллар бэлнээр байршуулсан гэх мэдээлэл гарсан. Отгонжаргал нь Баттулгын мэдэлд байдаг С1 телевизийг үүсгэн байгуулагч, захирал асан Бен Мойлын эхнэр бөгөөд Их Британийн иргэн.
“Юнайтед Белаз Механери” компани Багануурын төрийн өмчит уурхайд нүүрсний дөрвөн машин, дөрвөн самосвал, нэг бульдозер нийлүүлсэн. Нүүрс бутлах, ачих байгууламжийг өргөтгөх төсөл хэрэгжүүлэхээр Хөгжлийн банкнаас 18.6 тэрбум төгрөг авсан ч эргэн төлөгдөөгүй. Төрийн өмчийн өөр нэг зэсийн уурхай болох Эрдэнэт үйлдвэрт 27 тэрбум төгрөгийн үнэ бүхий нийт 35 ширхэг Белаз тоног төхөөрөмж нийлүүлсэн. Баримт бичгийг хуурамчаар үйлдсэн гэх бөгөөд Белазыг үйлдвэрийн удирдлагуудтай тохиролцсон байж болзошгүй гэж сэжиглэж байна.
Эх сурвалжийг ЭНД ДАРЖ үзнэ үү.
