Өнгөрсөн дөрөвдүгээр сард Баянгол дүүргийн ИТХ-ын төлөөлөгч, Хөдөлмөрийн Үндэсний Намын /ХҮН/ гишүүн байсан Н.Энхчимэг намаасаа гарах өргөдлөө ХҮН намын дарга Т.Доржхандад албан ёсоор өгч байгаа дүрс бичлэгээ цахим орчинд цацаж, олон хүний анхаарлыг татсан.
Тэгвэл Н.Энхчимэг УИХ-ын сонгуулийн 9-р тойрогт Үндэсний эвслээс нэр дэвшихээр болжээ. Увс аймгийн Ховд сумын харьяат тэрээр Монгол Улсын 23 дахь аварга Н.Батсуурийн төрсөн эгч юм. Н.Энхчимэг нь Санхүү, эдийн засгийн их сургуулийн Бизнесийн удирдлагын бакалавр, Сиднейн их сургуулийн Олон улсын бизнесийн магистр бөгөөд Дэлхийн банкны Боловсролын чанарын шинэчлэл төсөлд санхүүгийн зөвлөхөөр ажиллаж байсан туршлагатай аж.
.jpg)
