Хөгжлийн банкны гэх хэргийг шүүх хурал 47 дахь өдрөө үргэлжилж байгаа бөгөөд шүүх бүрэлдэхүүн өнөөдөр 16 цагаас шийдвэрээ танилцуулахаар товлоод байгаа.
Хөгжлийн банкны гэх хэргээр шүүгдэж буй УИХ-ын гишүүн Г.Амартүвшин, Н.Алтанхуяг, Ё.Баатарбилэг, Х.Ганхуяг нарыг шүүх гэм буруутайд тооцвол тэднийг эргүүлэн татах асуудал яригдах аж.
Тодруулбал, УИХ-ын тухай хуулийн 10 дугаар зүйл.Улсын Их Хурлын гишүүний бүрэн эрх хугацаанаас өмнө дуусгавар болох
10.1.6-д гишүүн гэмт хэрэг үйлдсэн болох нь шүүхийн хүчин төгөлдөр шийтгэх тогтоолоор тогтоогдсон
Мөн хуулийн 10.2. Энэ хуулийн 10.1.2, 10.1.3-т заасан тохиолдолд гишүүнийг чөлөөлөх, энэ хуулийн 10.1.4, 10.1.6-д заасан тохиолдолд эгүүлэн татах тогтоол гаргах бөгөөд энэ хуулийн 10.1.5-д заасан тохиолдолд гишүүнийг эгүүлэн татах эсэх асуудлыг Улсын Их Хурал хэлэлцэн шийдвэрлэнэ. Энэ хуулийн 10.1.1, 10.1.7-д заасан тохиолдолд орон гарсан гэж үзэж энэ тухай Улсын Их Хурлаас шийдвэр гаргахгүй гэж заажээ.
Өөрөөр хэлбэл Хөгжлийн банкны хэрэгт холбогдсон УИХ-ын гишүүд гэмт хэрэг үйлдсэн нь шүүхийн хүчин төгөлдөр шийтгэх тогтоолоор тогтоогдсон тохиолдолд гишүүнийг чөлөөлөх, эгүүлэн татах асуудлыг Төрийн байгуулалтын байнгын хорооны санал, дүгнэлтийг үндэслэн нэгдсэн хуралдаанаар хэлэлцэх юм.