Монгол Улс бол төлөөллийн ардчилалтай, парламентын засаглалтай улс. Учир нь нэг хүний дарангуйлалтай хоёр том хөршийн дунд байдаг манайх шиг улс парламентын засаглалтай байх зайлшгүй шаардлагатай гэдэг.
Харин УИХ-ын зарим гишүүд парламентын засаглалын нэр хүндийг унагаж, хэрэгт холбогдох зэргээр элдвийн асуудалд нэр холбогддог.
Нөгөө талаар УИХ-ын гишүүд дахин сонгогдохын тулд сонгогчдын боловсролд сөргөөр нөлөөлөх олон янзын эд зүйл, ан амьтныг тойрогтоо тараадаг.
Энэ нь УИХ-ын гишүүн хүн хууль санаачлах бус эд материал тараадаг баян хүн гэх буруу ойлголтын зарим иргэдэд өгч байгаа. Тухайлбал, саяхан УИХ-ын гишүүн Ц.Туваан Төв аймгийн зарим иргэдэд “бух үхэр” тарааж олон нийтийн шүүмжлэлд өртсөн. Тэгвэл саяхан УИХ-ын гишүүн Б.Баярсайхан Завхан аймгийн төрөх эмнэлэгт ор, шүүгээний хамт өгсөн нь олон хүний шүүмжлэлд өртөөд байна. Сонирхуулахад, УИХ-ын гишүүн Б.Баярсайхан нь УИХ-ын 2020 оны сонгуулиар Завхан аймгаас сонгогдсон бөгөөд жүжигчин Б.Амараагийн төрсөн эгч нь юм.
