Энэ оны эхний хагаст БНХАУ-аас Монгол руу 27,700 тонн жимс, хүнсний ногоо экспортолсон тухай Эрээн хотын гаалийн газраас мэдээлжээ.
Нэгдүгээр сараас зургадугаар сар хүртэл тус боомтоор Монгол руу хийсэн жимс, хүнсний ногооны экспортын нийт худалдааны хэмжээ 48.96 сая юань буюу 7.26 сая орчим ам.доллар давжээ. Монголын зах зээлд гарч буй шинэ жимс, хүнсний ногооны 80 орчим хувийг Эрээн хотоос нийлүүлдэг БНХАУ-ын экспортын бүтээгдэхүүн эзэлдэг. Гэвч энэ оны зургадугаар сард Эрээн хотод коронавирусийн дэгдэлт гарч, боомтын хэвийн үйл ажиллагааг тасалдуулж, Монгол руу хийх жимс, хүнсний ногооны экспорт зогсонги байдалд орсон гэж Эрэнхот хотын Гаалийн газрын ажилтан Лю Жиан мэдэгдэж байсан.
Уг асуудлыг шийдэхийн тулд Эрээн хотын гаалийнхан Монголын гаалийн ажилтнуудтай тохиролцож, ургамлын хорио цээрийн гэрчилгээг онлайнаар өгөх зэрэг арга хэмжээ авсан. Ингэснээр хэдэн өдрийн турш зогсонги байдалд орсны дараа жимс, хүнсний ногооны экспорт дахин сэргэсэн гэж Лю Жиан мэдэгджээ.
Эх сурвалж: Синхуа
