Бангладешийн хөлбөмбөгийн шигшээ баг Мальдив, Монголын багуудтай нөхөрсөг тоглолт хийх талаар тус улсын хөлбөмбөгийн холбооны дэд ерөнхийлөгч Кази Набил Ахмед мэдэгдлээ.
Тэрбээр өчигдөр хийсэн мэдэгдэлдээ “Гуравдугаар сарын 21-ээс 29-ний хооронд FIFA-ийн шугамаар бид нөхөрсөг тоглолт хийх талаар хэд хэдэн оронтой ярилцсан. Тодруулбал, манай баг 3-р сарын 22-нд Мальдивт очиж, 24-ний өдөр Мальдивын багтай тоглоно. Маргааш нь буцаж ирснийхээ дараа Силхет хотод Монголын багтай дахин нөхөрсөг тоглолт хийх болно" гэжээ.
Бангладешийн шигшээ өнгөрсөн 1-р сард Индонезийн талбайд хоёр нөхөрсөг тоглолт хийхээр төлөвлөж байсан ч цар тахлын нөхцөл байдлын улмаас цуцлагдсан билээ.
Эх сурвалж: Dailystar
