Нийслэлийн автозамын ачаалал эрс нэмэгдэж, тэг зогсолт хийхэд ойрхон байна гэж албаны эх сурвалжууд мэдээлж буй. Иймд хөдөлгөөнийг зохицуулах хуулийн төслийг боловсруулах шаардлагатай, ингэхдээ баруун талдаа жолооны хүрдтэй автомашины импортыг хязгаарлах шаардлагатай гэж зарим эх сурвалжууд мэдээлж буй.
Тэгвэл УИХ-ын гишүүн Ж.Бат-Эрдэнэ өөрийн твиттер хуудастаа, “Хууль дээр ажиллаж байгаа. Буруу рультэй машиныг 3-5 жилийн хугацааны дараа шууд хорих саналтай яваа” хэмээжээ.
