Олон улсын "Төслийн Удирдлагын Институт /Project Management Institute/"-ын Монгол дахь салбар "PMI Mongolia Chapter" байгууллагаас Монгол улсын хэмжээнд амжилттай хэрэгжсэн, шилдэг удирдлага бүхий төслүүдийг шалгаруулжээ.
Тэгвэл энэ жилийн “Шилдэг төсөл”-өөр "Хөшигийн хөндийд олон улсын нисэх онгоцны буудал барих” төсөл шалгарсан байна. Мөн төслийн “Шилдэг менежер”-ээр “Олон улсын нисэх онгоцны буудал барих” төслийн захирал Н.Энхбат тодорчээ. Н.Энхбат нь 500 гаруй сая ам.долларын эл төслийг цаасан дээр байхад нь хүлээж авч, 10 гаруй жил ажилласан гол хүн нь юм.
