Эрүүл мэндийн даатгалын ерөнхий газар/ЭМДЕГ/-ын худалдан авалт, гэрээлэлтийн газрын дарга Б.Энхмөрөнг өнөөдөр ажлаас нь чөлөөлсөн байна. Тодруулбал, тэрээр өөрийн хүсэлтээр ажлаа өгсөн аж.
Чингэлтэй дүүргээс парламентад хоёр дахь удаагаа сонгогдоод буй УИХ-ын гишүүн М.Оюунчимэгийн хүү Б.Энхмөрөн нь 26-хан насандаа ЭМДЕГ-ын Худалдан авалт, гэрээлэлтийн газрын даргаар томилогдсон нь олон нийтийн бухимдлыг төрүүлээд байсан билээ.
Б.Энхмөрөн нь ЭМДЕГ-ын Худалдан авалт, гэрээлэлтийн газрын даргаар 2021 оны нэгдүгээр сард томилогдсон бөгөөд түүний энэхүү томилгоо нь холбогдох хууль, тогтоомжийг зөрчсөн байж болзошгүй байгаа талаар бид мэдээлж байв.
