Наймдугаар сарын 2-ны өдрийн байдлаар Хэнтий нурууны баруун хажуугийн Туул гол Лүн сум орчимд болон Хангай нуруунаас эхтэй Сэлэнгэ мөрөн Орхон голын дунд болон адгаар усны түвшин өмнөх өдрийнхөөс 10-15 см нэмэгдэж, Үүр, Туул, Ерөө, Сөгнөгөр, Хэрлэн, Балж, Онон, Идэр, Орхон, Сэлэнгэ, Ховд, Буянт, Хархираа зэрэг голууд үерийн түвшинг 5-55 см, Туул гол Лүн, Ерөө гол Дулаанхаан сум орчимд үерийн аюултай түвшинг 5 см даван тус тус хүчтэй үерлэж байна.
Наймдугаар сарын 3-нд Сэлэнгэ мөрөн Зүүнбүрэн, Сүхбаатар сум орчимд усны түвшин 10-15 см нэмэгдэж, үерийн аюултай түвшинг 5-10 см даван үерлэнэ. Иймд дээр дурьдсан гол болон гол мөрний саваар нутаглаж буй ард иргэд, аж ахуйн нэгж, аялаж, амарч, зугаалж буй хүмүүсийг үерийн аюулаас байнга сонор сэрэмжтэй байхыг анхааруулж байна.
