Баянгол дүүргийн нутаг дэвсгэрт дулааны шугам сүлжээний худагт халуун усны хоолой задарсны улмаас гурван хүн амиа алджээ.
Тодруулбал, тус дүүргийн тавдугаар хороо, Экогийн 26 дугаар байрны дэргэд Дулааны шугам сүлжээний худагт халуун усны хоолой задарч дотор нь байсан хүн гарч чадахгүй байна гэсэн дуудлагыг өчигдөр 23:28 цагт онцгой байдлын газар хүлээн авчээ.
Улмаар Нийслэлийн Аврах анги-105-ын алба хаагчид долоон км зам туулан 23:38 цагт очиход тус байрны дэргэдэх дулааны шугам сүлжээний худагт халуун усны шугам задарч дотор нь гурван хүн амиа алдсан байсныг гаргасан байна. Баянзүрх дүүргийн харьяат иргэн Э/43 настай, эрэгтэй/, У/41, эмэгтэй/, хэн болох нь тодорхойгүй нэг эрэгтэй хүний цогцсыг тус дүүргийн Цагдаагийн хоёр дугаар хэлтэст хүлээлгэн өгсөн талаар Онцгой байдлын ерөнхий газраас мэдээллээ.
