МҮОНРТ-ийн Үндэсний зөвлөлд шинээр ажиллахаар сонгогдсон долоон гишүүнийг өнөөдөр УИХ-ын чуулганаар хэлэлцэн батлахтай холбоотойгоор МҮОНРТ-ийн ажилчид болон үйлдвэрчний эвлэлийн гишүүд яг одоо телевизийнхээ гадна гэр барьж, эсэргүүцлээ илэрхийлж буй. Энэ үеэр Монголын үндэсний олон нийтийн радио телевизийн ажилчдыг саатуулсан тухай мэдээлэл олон нийтийн сүлжээнд тарсан юм. Тэгвэл тэднийг Чингэлтэй дүүргийн цагдаагийн хэлтсээс саяхан сулласан байна. Үүний өмнө АН-аас мэдээлэл хийж уран бүтээлчдийг өнөөдрийн дотор суллах шаардлага тавиад байсан юм.
